Yndisleg orðatiltæki bláu handarinnar

Yndislega tekið til orða hjá Bláu höndinni, ''tímabundin temprun á útflæði gjaldeyris''.. Sannarlega skáldaleyfi í fullu gildi Þarna. Þetta ágæta orðatiltæki BH minnir mig stundum á það þegar ég var beðinn um að aðstoða unga vel gefna stúlku í tíunda bekk sem var í smávandræðum í stærðfræði. Þegar til kom var hún með hlutina ágætlega á hreinu, hún skildi ekki nokkur einkennileg hugtök eins og til dæmis samlagningarandhverfa (frádráttur, mínus), lái henni hver sem er.  

Ég vona innilega að stjórnvöld og embættismenn reyni ekki að fela aðgerðir á bak við skrúð eða furðumælgi. Svo ég segi það einu sinni enn þá er fólk ekki fífl og það er alveg eins með okkur fullorðna fólkið og börnin það er best að segja okkur bara eins og er...

Góða helgi..

Hömlum aflétt og nýjar settar

Athugasemdir

[Baldur Gautur Baldursson, 30.11.2008 kl. 10:02]

Það er hverju orði sannara að kalla þetta orðskrúð Bh furðumælgi.  Ég bæði furða mig á þessu, þyki þetta furðulegt og sæta furðu. Furðulaust fólk ætti sannarlega að furða sig á þessari furðumælgi og furðu orðgnóttar sem þó ekki er furðanlegt að furðuríkir stjórnmálamenn noti. 

Hreint og beint ótrúlegt þykir mér að fólk sjái ekki gegnum Bláu höndina, þetta íslenska nomenklátúra.

[Jón Ragnar Björnsson, 30.11.2008 kl. 17:50]

Ég hef það steklega á tilfinningunni að sumir af okkar pólitíkusum dingli í lausu lofti, vanti alveg jarðsambandið.

[Jón Ragnar Björnsson, 30.11.2008 kl. 17:50]

!Meinti sterklega!