Guð forði okkur frá vitleysunni

Ekki batnar það nú ef fyrrverandi viðskiptafélagi Jóns Ásgeirs og meðeigandi hans að skútunni í USA, hét hún ekki Viking, ætlar að fara að leiða mótmæli og taka þátt í endurreisn landsins. Guð forði okkur frá því að menn sem reyndu að fljóta með á skútunni sem allt sigldi í kaf ætla svo að koma heim til að bjarga þjóðinni. Með því meðal annars að opna lágvöruverðsmarkað á Íslandi, var þessi gaur ekki búinn að klúðra einu svoleiðis dæmi í USA með sínum gamla partner Jóni Ásgeir. Ef ég man rétt þá voru þeir saman í spillingarplögginu þessi gaur og Tryggvi gamli Baugsmaður sem nú er í Landsbankanum. Það bara gekk ekki upp og þessi Jón Gerald fór einfaldlega í fílu af því að hann fékk ekki að vera með.

Vona af öllu hjarta að við fáum einhverja hreinni menn í endurreisnina en gamla þátttakendur í  hringborði spillingarinnar.

Jón Gerald mótmælir í Landsbanka

Athugasemdir

[Heidi Strand, 17.12.2008 kl. 20:33]

Gott hjá honum! Hann þekkir þetta mál best allra. Ég hafði ekkert álit á þessum manni, en er vöknuð.
J.G.S. var í viðtali hjá Stormsker i dag og var það mjög athyglisvert.

[Nonni, 17.12.2008 kl. 23:00]

Þessi maður tók fullan þátt í spillingunni þar til hann var svikinn af vinum sínum. Þessi maður er svo langt frá því að leiða þessi mótmæli eða koma nálægt á nokkurn hátt. Þessi maður ætlar að bjóða upp á aðra verslun fulla af mygluðu grænmeti og vitlaust vigtuðum vörum. Nei, takk! 

Það er frábært þegar kapítalistarnir fara að ráðast hver á annan, það hjálpar okkur, en við erum ekki peð í þeim leik.

[Fritz Már Jörgensson, 18.12.2008 kl. 01:02]

Í mínu bloggi dreg ég ekki taum eins né neins, ég gagnrýni ekki síður flokksbræður mína en aðra. Ég endurtek það og stend við það, Guð forði okkur frá mönnum sem setið hafa við þessi borð spillingarinnar eins og Jón Gerald hefur gert. Og ég bendi á að hann var dæmdur fyrir þátttöku í spillingavafstri Jóns Ásgeirs!