Færsluflokkur: Bloggar

Fólk er ekki fífl

Það er lyginni líkast að fylgjast með þssum fréttum frá Hringborði Spillingarinnar. Að maðurinn skuli hafna því að hann tengist baugi. Halló, -fólk er ekki fífl-. Að maðurinn skuli hafa fengið fastráðningu í Nýja Landsbanknum sýnir hversu gerspillt stjórn bankans er í dag, potarar spillingarinnar hafa allsstaðar troðið sínu fólki inn sjálfum sér og sínum til verndar.

Síðan koma menn fram saklausir eins og gaukar og kunna ekki einu sinni að skammast sín lengur. Tryggvi vinnur við áhættustýringu í bankanum, kannski hún felist í því að yfirtaka eignir en ekki skuldir frá gamla bankanum nú eða þá að selja spillingarbræðrum sínum eignir á gjafprís. Hann kann örugglega til verka enda örstutt síðan maðurinn var dæmdur fyrir bókhaldsbrot. Það væri hugsanlega hagræðing í því fyrir bankann að flytja áhættustýringuna á Kvíabryggju, það eru örugglega bestu sérfræðingarnir falir fyrir þokkalega laun.

Fólk er ekki fífl! 

 


mbl.is Tryggvi: Kem ekki nálægt Baugi
Tilkynna um óviðeigandi tengingu við frétt

Þannig fór um sjóferð þá....

Það er fokið í öll skjól núna, maðurinn með hattinn sem hefur afhjúpað og rifið kjaft svo árum skiptir hefur verið afhjúpaður á altari spillingarhringborðsins. Staðan í þessu einkennilega ríki lýðræðislegrar spillingar er með ólíkindum. Engin vígi halda, fjölmiðlum er alls ekki treystandi og menn ríða röftum sem aldrei fyrr. Þannig fór um sjóferð þá.

Alþýðublaðið, Þjóðviljinn, Tíminn og Morgunblaðið á sínum tíma voru fjölmiðlar sem tilreiddu fréttir en það lék aldrei vafi á þvi hvers dámur var dreginn á þeim fjölmiðlum. Þar var um að ræða ''heiðarlega'' ritskoðun í skjóli stjórnmála. Dagurinn í dag er hörmungadagur að því leyti að nú sjáum við holdgerast óheiðarlegar ritskoðanir sem ekki mega líta ljós daganna. Ritskoðanir sem eru ætlaðar til að vernda riddara spillingarinnar, ritskoðanir sem eru ætlaðar til að vernda spillta stjórnmálamenn.

Spilltir stjórnmálamenn! Það þarf nefnilega spillta stjórnmálamenn til að vernda spillinguna eins og hún kemur fram í stjórnendum bankanna, bankastýrum tveggja banka sem gegna í dag sömu störfum og áður. Tryggva Jónssyni dæmdum fjárglæframanni í Landsbankanum, Sigurjóni Árnasyni sem leigir húsnæði af Landsbankanum væntanlega til að geta verið skilanefnd bankans til ráðgjafar um það hvernig skuli breiða yfir óþægileg mál. Úða ilmvatni á skítafýluna.......

Guð blessi alla Íslendinga nær og fjær.

 


mbl.is Upptaka af útskýringum ritstjóra DV
Tilkynna um óviðeigandi tengingu við frétt

Pappírstætarar

Í greininni sem ekki birtist í DV kemur fram að Sigurjón ætli sér að reka ráðgjafafyrirtæki í skrifstofu sem hann leigir af Landsbankanum í húsnæði bankans. Ætli það væri ekki skynsamlegra fyrir hann að fara í verktakabransann, hann gæti til dæmis sett upp stórvirka pappírstætara og leigt bankanum aðgang að þeim ásamt ráðgjöf um það hvaða forgangsröð eigi að vera á gögnum til eyðingar í bankanum.

Spillingin heldur áfram, það er ekkert flóknara en það, eina ráðið er að skipta strax út gömlum stjórnendum bankanna sem enn tilheyra gömlu spillingar klíku vinnubrögðunum.

Eigiði góðan dag!


mbl.is Frétt DV stöðvuð
Tilkynna um óviðeigandi tengingu við frétt

Brillíant -því miður

Því miður var það fyrsta sem mér datt til hugar, 'brillíant', það er þá ekki hægt að skýla sér bak við bankaleynd í viðskiptum við Landsbankann í Lúxemborg. Það er nefnilega þannig að fram að því að bankar staðsettir í Lúxemborg fara í þrot þá er bankaleyndin svo sterk að nánast ómögulegt er að fá upplýsingar um viðskipti þeirra. Eftir að bankar fara í þrotameðferð í Lúxemborg opnast hins vegar bækur þeirra.

Það verður afskaplega fróðlegt að fylgjast með því hvað kemur upp úr pokunum í Landsbankanum í Lúxemborg. Hvert skyldu leiðir þaðan liggja.... Skyldu menn hafa verið í viðskiptum við Cayman eyjar eða álíka staði....

Allavega þá mun nú verða mögulegt að fara í saumana á viðskiptum Landsbankans í Lúxemborg. Vona svo innilega að engir finni hrollinn fara eftir bakinu á sér, er samt hræddur um að spillingarhrollurinn vakni víða núna.. 


mbl.is Landsbanki í Lúxemborg gjaldþrota
Tilkynna um óviðeigandi tengingu við frétt

Hringborð spillingarinnar

Það er kannski réttara að tala um að sömu mennirnir sitji hringinn í kringum hringborð spillingarinnar. Að tala um að þessir menn sitji beggja vegna borðs er einföldun. Það er ekkert lát á spillingarfréttunum og takið eftir að við erum ekki farin að sjá toppinn á ísjakanum enn, bara örlítinn forsmekk.

Gott að við íslendingar erum með breitt bak, við getum þá alltént tekið við þessu öllu saman. Sömuleiðis gott að vera vön því að láta fara illa með okkur, það svíður þá ekki jafn illa!


mbl.is Sami maður beggja vegna borðsins
Tilkynna um óviðeigandi tengingu við frétt

Spillingarhrollurinn

Björgvin G. Sigruðsson er að standa sig eindæma vel í þeim erfiðu málum sem koma inn á hans borð, hann er búinn að losa okkur við KPMG úr Glitni en hvorutveggja KPMG og Glitnir eru nú er holdgervingar þess að enginn er undanþeginn þáttöku í spillingarveldinu.

Það gæti farið svo að ekki verði um annað að gera en að láta bankann í Lúxemborg fara á hausinn. Fram að því er nefnilega hefðin um bankaleynd svo sterk að jafnvel ráðherra viðskipta gæti átt erfitt með að opna fyrir aðgengi að gögnum um spillingarveldin íslensku. Fari bankinn hins vegar í þrot þá opnast fyrir aðgengi að gögnum bankans. Síðan geta menn velt því fyrir sér hvernig stendur á því að fyrrum eigendur íslensku bankanna leggi ofuráherslu á að liðka fyrir sölu bankans í Lúxemborg....

Hagsmunir þess að rjúfa hring spillingarveldanna eiga að vera ofar öllum öðrum hagsmunum. Fyrr verður traust ekki endurreist í landinu.

 


mbl.is Stjórnvöld í Lúxemborg veiti upplýsingar
Tilkynna um óviðeigandi tengingu við frétt

Úúpppppps - SPILLING með stórum stöfum..

Þetta mál er þungt, þyngra en tárum tekur. Hún er bara stikk frí þessi elska, þarf ekki að borga af því að bankinn gleymdi að rukka hana. Halló, ég er einn af þeim sem þarf alltaf að borga. Jafnvel þó að bankinn gleymi að rukka mig.

Skildi vera að hún hefði setið sátt ef bankinn hefði blómstrað og hlutabréfin í honum rokið upp. Nei, alveg örugglega ekki, hún hefði alveg pottþétt krafist þess að fá að borga bréfin og hirða hagnaðinn af þeim.

Hér er dæmi um mál sem á að valda óróa í samfélaginu. Hér er dæmi um mál sem veldur því að ég finn spillingarhrollinn fara um mig allann...

 


mbl.is FME aðhefst ekki vegna viðskipta Birnu
Tilkynna um óviðeigandi tengingu við frétt

Lýsing

Ég lenti í því fyrir nokkrum árum eða nánar tiltekið í síðustu kreppumynd, sem var um síðustu aldamót, að geta ekki staðið í skilum við Lýsingu. Viðmótið sem ég fékk hjá þessu góða fyrirtæki var um allt gott, það var samið, samningarnir voru þannig að báðir aðilar gátu vel við unað. Ég þurfti að slá aðeins af en það gerðu þeir hjá Lýsingu einnig. Ég hef enga trú á að viðhorf Lýsingar hafi breyst á örfáum árum.

Ábyrgð atvinnurekenda er mikil þegar tekin eru lán til að fjármagna tæki til atvinnureksturs, auðvitað verða lántakendur að gera ráð fyrir því að þurfa að greiða af lánum og ef lán eru í erlendri mynt þá hækka þau eða lækka í samræmi við gengisvísitölu. Sama er að segja um skilmála lána þeir eru bara eins og þeir eru þegar skrifað er undir lán og eðli þeirra þannig að af þeim þarf að greiða, að öðrum kosti er gengið að veðum eða ábyrgðum. En ég er viss um að það er hægt að semja, frysta og gera allskyns hundakúnstir ef menn bara leggja sig fram og vilja ganga frá sínum málum.

Ég tek fram að þó svo að ég beri sama eftirnafn og forstjóri Lýsingar þá erum við ekki skyldir svo ég viti.

Gangi ykkur sem allr best.


mbl.is Mótmæla innheimtuaðferðum
Tilkynna um óviðeigandi tengingu við frétt

Verðlækkun -fylgjumst vel með..

Mér er svo sem alveg sama hvaðan það kemur eða af hverju, verðlækkun á vöru eins og bensíni er góð, á Íslandi getum við víst illa verið án ökutækja sem enn brenna flest bensíni. Matarpokinn hefur hækkað þvílíkt að það er kvöl og skelfing, það verður fróðlegt að sjá hvort og þá hvað eitthvað gerist með matarverð. Venjan hefur verið sú að innflutt neysluvara eins og matur hækkar alltaf mjög hratt ef gengi hækkar en lækkar hins vegar mjög hægt ef hún lækkar þá yfir höfuð.

Við neytendur verðum að vera á varðbergi, ekki síst þegar óðaverðbólga er í uppsiglingu, við megum ekki láta svína á okkur lengur. Fólk er nefnilega ekki fífl.


mbl.is N1 lækkar eldsneytisverð
Tilkynna um óviðeigandi tengingu við frétt

Hvenær fá menn nóg?

Hvenær fá menn nóg? Skyldi það ekki vera einsdæmi í vestrænu ríki að seðlabankastjóri geti haldið heilli ríkisstjórn í heljargreipum? Hvers lags vald er það sem maðurinn hefur? Það er einfaldlega með ólíkindum að ríkisstjórnin skuli láta seðlabankastjóra ganga yfir sig með dylgjum, hótunum og dónaskap í formi hálfkveðinna vísna um vitneskju og mögulega endurkomu í stjórnmál.

Í huga flestra er ekki um annað að ræða en láta manninn fara, ég ætla ekki að gera lítið úr störfum Davíðs, sem er snjall maður, það fer ekki á milli mála. Hann er samt blessaður gangandi dæmi um mann sem hefur fyrir langa löngu misst sig algerlega í valdhroka sem engu er líkur.

Það er nauðsyn að setja ákveðnar reglur um fagmennsku við stjórn seðlabanka og annarra ríkisstofnana. Útbrunnir pólítíkusar eiga ekki undir neinum kringumstæðum að fá í hendurnar slíkan póst sem Seðlabanki er. Ef brottvikning Davíðs hefur það í för með sér að hann fari aftur í stjórnmál, þá gott og vel, ef hann kemst aftur til áhrifa sem pólitíkus þá er það þó vilji þeirra sem hann kjósa. Þegar upp er staðið ætti nefnilega allt að snúast um lýðræði, þó svo að margir upplifi misbresti í lýðræðinu um þessar mundir.

 

 


mbl.is Man ekki eftir símtali við Davíð
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband